សាលាបច្ចេកទេសដុន បូស្កូ ខេត្តព្រះសីហនុ

កាលពីព្រឹកថ្ងៃទី ១២ ខែ សីហា ឆ្នាំ ២០១៣ នៅសាលាបច្ចេកទេសដុនបូស្កូខេត្តព្រះសីហនុ បានធ្វើការសម្ភាសន៏ អោយសិស្សានុសិស្សដែលមានបំណង ចង់សិក្សានៅសាលានះ។ដែលការសំភាសន៏មានរយះពេល ៤ ថ្ងៃ គឺចាប់ពីថ្ងៃទី ១២​ ដល់ ១៥ ខែ សីហា ហើយធ្វើការប្រលង នៅថ្ងៃទី ១៦ ខែ សីហា ឆ្នាំ ២០១៣ ខាងមុខនេះ។ ដែលក្នុងនោះមានជំនាញដែលសិស្សានុសិស្ស ត្រូវរៀនមានដូចជា៖
១.ផ្នែកទំនាក់ទំនងសង្គម និងសារពត៌មាន

២ ផ្នែកអគ្គីសនី

៣​ ផ្នែកយន្តសាស្រ្តរថយន្ត

៤ ផ្នែកយន្តសាស្រ្ដទូទៅ

៥ ផ្នែកលេខាធិការ

៦ ផ្នែកការិយាល័យជួរមុខ

៧ ផ្នែកសេវាកម្មម្ហូបអារហារនិង ភេសជ្ជះ

៨ ផ្នែកចុងភៅ

៩ ផ្នែកគេហកិច្ច

      សិស្សានុសិស្សទាំងអស់ មុននឹងចូលទៅសាលាបច្ចេកទេសដុនបូស្កូ ខេត្តព្រះសីហនុ ត្រូវឆ្លងកាត់ការ សម្ភាសន៏ និងប្រលងជាមុនសិន ។
  សាលាបច្ចេកទេសដុនបូស្កូ គឺជាសាលាអង្គាក្រៅរដ្ឋាភិបាលមូយ ដែលតែងតែជួយដល់យុវជនក្រីក្រ ដែលពុំមានលទ្ធិភាពទៅបន្តនៅសាកលវិទ្យាល័យផ្សែងៗបាន និង សំរាប់ដែលចង់បានជំនាញច្បាស់លាស់ដើម្បីមានមុខរបរទៅថ្ងៃអណាគត៕ សរសរដោយ ជន ចន្ត្រា

Read More

១០ចំណុចបេក្ខជនបាក់ឌុបត្រូវដឹង

ថ្ងៃច័ន្ទសប្ដាហ៍ក្រោយនេះ ជាថ្ងៃបើកឆាកនៃសម័យប្រឡងបាក់ឌុប ឆ្នាំ២០១៣ ។ បេក្ខជនប្រហែលជាត្រៀមខ្លួនរួចជាស្រេចហើយមើលទៅដើម្បីចូល រួមការប្រឡងនេះ។ តែទោះបីយ៉ាងណា Sabay ក៏សូមរំឭកពីគោលការណ៍១០ចំណុចដែលបេក្ខជនត្រូវអនុវត្តនាថ្ងៃ ប្រឡងនោះ៖ ទី១ ត្រូវស្លៀកពាក់ឯកសណ្ឋានសិស្ស។ ទី២ ត្រូវពាក់ស្លាកឈ្មោះ ឬកាតប្រឡង។ ទី៣ គួរទៅដល់ក្នុងបន្ទប់ប្រឡង១៥នាទីមុនការប្រឡងចាប់ផ្ដើម។ ទី៤ ហាមលាក់ប្រ៊ុយយ៉ុងជាប់ខ្លួន។ ទី៥ ហាមប្រើម៉ាស៊ីនគិតលេខ។ ទី៦ ហាមប្រើទូរសព្ទដៃ។ ទី៧ ហាមលួចចម្លងគ្នា។ ទី៨ កុំភ្លេចសរសេរឈ្មោះលើវិញ្ញាសា។ ទី៩ ហាមរៃលុយសូកអនុរក្ស។ និងទី១០ ហាមប្រើទឹកលុប។ នេះបើតាមការឲ្យដឹងរបស់លោក ម៉ាក ឆរស្មី នាយកវិទ្យាល័យសន្ធរម៉ុក។ នាយកវិទ្យាល័យរូបនេះបានឲ្យដឹងបន្ថែមថា ដើម្បីឲ្យបម្រាមនេះមានប្រសិទ្ធភាពរៀងរាល់ការប្រឡងម្ដងៗ មុនចូលមណ្ឌល សិស្សទាំងអស់ត្រូវបានត្រួតពិនិត្យ ឲ្យគោរពតាមគោលការណ៍ណែនាំរបស់ក្រសួង។ លើសពីនេះទៅទៀត មុនចូលបន្ទប់ប្រឡងត្រូវត្រួតពិនិត្យម្ដងទៀត។ ចំណែកឯក្នុងបន្ទប់ប្រឡងមួយមានបេក្ខជន២៥នាក់ និងអនុរក្ស២នាក់ ជាអ្នកត្រួតពិនិត្យចាប់យកប្រ៊ុយយ៉ុង និងហាមមិនឲ្យមានការចម្លងគ្នា។ ហើយក្នុងលក្ខខណ្ឌអនុរក្សទទួលសំណូកពីបេក្ខជនប្រឡង ត្រូវទទួលពិន័យពីក្រសួង ដូចជាការដកបញ្ឈរជើងជាដើម។ ការប្រឡងបាក់ឌុបឆ្នាំនេះ មានបេក្ខជនចំនួន ១០៧ ៨៣៥ នាក់ បែងចែកជាមណ្ឌលប្រឡងចំនួន២៣៤មណ្ឌល ក្នុងនោះមានបន្ទប់ប្រឡងចំនួន៤៣៩០បន្ទប់ នៅទូទាំងប្រទេស។ប្រភពមកពី៖សប្បាយ

Read More

ចេកចំណេញកប់ក្ដោង

ដៃម្ខាងកាន់ ផ្កាឈូក ដៃម្ខាងទៀតកាន់ធូបទាន ឬផ្លែចេក យុវជនប្រុសស្រីជាច្រើនបានតម្រងទៅកាន់កន្លែងជាទីសក្ករៈបូជា មួយចំនួនក្នុងរាជធានីភ្នំពេញ ជាពិសេសព្រះអង្គដងកើ មុខព្រះបរមរាជវាំង។ យុវជនទាំងនេះ គឺសិស្សថ្នាក់ទី១២ ដែលនឹងត្រូវប្រឡងបាក់ឌុប នៅថ្ងៃច័ន្ទ ទី៥ ខែសីហា សប្ដាហ៍ក្រោយនេះហើយ។ ការសម្រុកមកសែនព្រែនដោយជឿថាអាចជួយឲ្យអារម្មណ៍របស់គេនឹងន នៅថ្ងៃប្រឡងនេះ បានធ្វើឲ្យសំណែនផ្សេងៗ ជាពិសេសផ្លែចេកតែម្ដង មានការលក់ដាច់ជាងពេលណាៗទាំងអស់។ លោកយាយ កយ ដែលលក់ផ្កា និងចេកជាង២០ឆ្នាំហើយនៅវត្តភ្នំ បានប្រាប់ឲ្យដឹងថា សប្ដាហ៍នេះក្មេងៗមកបន់នៅវត្តភ្នំនេះច្រើនណាស់ ហើយមកម្ដងមាន៤-៥នាក់ រកទិញផ្កា ជាពិសេសគឺចេកតែម្ដង។ ចងផ្កាឈូកបណ្ដើរ លោកយាយ កយ បាននិយាយបណ្ដើរថា៖ “លក់ដាច់គួរសមដែរ បាន៦-៧ស្និតដែរមួយថ្ងៃ។ មិនមែនដាច់តែចេកទេ ផ្កាក៏លក់ដាច់ខ្លះៗដែរ។ តែឆ្នាំនេះក្មេងៗដូចជាមិនសូវមកច្រើន។ ដូចឆ្នាំទៅ ក្មេងៗមកច្រើនជាង ហើយលក់ដាច់ជាងនេះទៀត”។ ចំណែកឯស្ត្រីសម្បុរស្រអែម វ័យប្រហែល៤០ឆ្នាំ អ្នកលក់ទឹកសុទ្ធ ធូប ផ្កា និងចេកក្បែរបង្គោលភ្លើងខាងត្បូងព្រះអង្គដងកើ បានប្រាប់ឲ្យដឹងថា ជារៀងរាល់ឆ្នាំឲ្យតែជិតដល់ពេលប្រឡងម្ដងៗ សិស្សនាំគ្នាមកបន់ច្រើនណាស់ ហើយតង្វាយដែរលក់ដាច់ជាងគេគឺចេកនេះហើយ។ ក្នុងមួយថ្ងៃគាត់លក់ដាច់ចេកយ៉ាងហោចណាស់២០ស្និត រីឯតម្លៃវិញមួយស្និតពី៣៥០០រៀលទៅ៤០០០រៀល។ រីឯអាជីវករលក់ផ្លែឈើឯនោះវិញ ក៏លក់ដាច់មិនធម្មតាដែរ។ មីង ចាន់ណា អ្នកលក់ផ្លែឈើនៅផ្សារកណ្ដាល បានប្រាប់ឲ្យដឹងថា ដើមសប្ដាហ៍នេះគាត់ឃើញក្មេងៗមកទិញផ្លែឈើច្រើនណាស់ ខ្លះថាយកទៅសែន ខ្លះថាទិញយកទៅជូនគ្រូ។ អាជីវកររូបនេះ បានបន្ថែមទៀតថា គេនិយមទិញតែចេកយកទៅសែនព្រេន ព្រោះតម្លៃវាសមរម្យមួយស្និតត្រឹម៣០០០រៀលទៅ៣៥០០០រៀល។ សិស្សខ្លះទិញម្តង២ ទៅ៣ស្និត ហេតុដូច្នេះហើយចេកលក់ដាច់ជាងគេ។ ប៉ុន្តែមានសិស្សខ្លះវិញមកទិញម្តង៥មុខយកទៅសែន មានលាយផ្លែមៀន ក្រូច ប៉ោម ចេក និងសារី ជាដើម៕ប្រភពមកពី៖សប្បាយ

Read More

ក្រុងមួយទៀតរបស់កម្ពុជាចាប់ផ្ដើមមានភ្លើងស្តុបដែរ!

ក្រុងកំពង់ចាមចាប់ផ្ដើមមានភ្លើងស្តុបជាលើកដំបូង ដើម្បីសម្រួលចរាចរណ៍ ទៅមករបស់ប្រជាជន។ ឥឡូវនេះភ្លើងស្តុប១ទីតាំង ក្នុងចំណោមភ្លើងស្តុប៤ទីតាំងដែលគ្រោងសាងសង់ក្នុងក្រុងនេះ ត្រូវបានដាក់ឲ្យដំណើរការហើយ។ យោងតាមមន្ត្រីប៉ូលិសក្រុងកំពង់ចាមមួយរូប បានប្រាប់ឲ្យដឹងថា នេះជាសមិទ្ធិផលថ្មីមួយ របស់ក្រុងដែលនឹងដាក់ភ្លើងស្តុបនៅផ្លូវធំ៤កន្លែង។ ទី១ ផ្លូវបំបែកសាលាបឋមសិក្សាទក្សិណ ទី២ ផ្លូវផ្សារបឹងកុក ទី៣ ផ្លូវវាលវង់ (ផ្លូវជាតិលេខ៧ចាស់) និងទី៤ ផ្លូវជាតិលេខ៧ថ្មី(ខាងលិចស្ពានគីហ្សូណា)។ ក៏ ប៉ុន្តែមានតែភ្លើងស្តុបនៅផ្លូវបំបែកសាលាបឋមសិក្សាទក្សិណ ប៉ុណ្ណោះ ដែលទើបតែនឹងដាក់ដំណើរការប្រើប្រាស់សាកល្បងកាលពីថ្ងៃអង្គារ កន្លងទៅ។ ចំណែកឯភ្លើងស្តុប៣កន្លែងទៀតកំពុងតែរៀបចំដំឡើង ហើយនឹងដាក់ឲ្យប្រើប្រាស់ក្នុងពេលឆាប់ៗខាងមុខនេះ។ មន្ត្រី រូបនេះបានបន្តទៀតថា នេះជាគោលការណ៍ថ្មីរបស់អភិបាលខេត្តដែលគិតគូរពីសុវត្ថិភាព ចរាចរណ៍របស់ប្រជាជន។ លើកពីនេះទៅទៀតនោះ ដំណើរការសាកល្បងនេះទើបតែមានរយៈពេល២ថ្ងៃប៉ុណ្ណោះ ប៉ុន្តែប្រជាជននៅខេត្តកំពង់ចាមហាក់ដូចជាគោរព និងយល់ដឹងពីភ្លើងស្តុបនេះបានល្អណាស់។ កន្លងមក មានតែខេត្តសៀមរាប ខេត្តបន្ទាយមានជ័យ និងក្រុងព្រះសីហនុដែលមានភ្លើងស្តុប ដូច្នេះនេះខេត្តថ្មីមួយទៀតដែលមានភ្លើងស្តុបដែរ៕ប្រភពមកពី៖សប្បាយ

Read More

អាមេរិកនឹងផ្ដល់អាហារូបករណ៍ដល់សិស្សកម្ពុជាពី១២០ ទៅ១៥០នាក់ឆ្នាំ២០១៣នេះ

ស្ថានទូតអាមេរិកនៅកម្ពុជានឹងផ្ដល់អាហារូបករណ៍ ខ្នាតតូចរៀនភាសាអង់គ្លេសឆ្នាំ២០១៣ ដល់សិស្សនិស្សិតក្រីក្រចំនួនពី១២០ ទៅ១៥០នាក់ នៅតាមអង្គការនានាក្នុងប្រទេសកម្ពុជា។ កម្មវិធី អាហារូបករណ៍ “The Access Program” ផ្តល់ដល់សិស្សនិស្សិតក្រីក្រដែលមានអាយុចាប់ពី១៣ដល់២០ឆ្នាំ ឲ្យបានចូលសិក្សាថ្នាក់ភាសាអង់គ្លេសក្រៅម៉ោង និងវគ្គខ្លីៗរយៈពេល២ឆ្នាំ។ តាមរយៈកម្មវិធីនេះ សិស្សនិសិ្សតនឹងទទួលបានចំណេះដឹងភាសាអង់គ្លេស យល់ដឹងពីវប្បធម៌របស់បរទេស និងការលើកកម្ពស់សមត្ថភាពក្នុងការចូលរួមអភិវឌ្ឍសង្គមកម្ពុជា។ សិស្សនិស្សិតដែលបានទទួលអាហារូបករណ៍នេះ អាចនឹងមានឱកាសបានទៅសិក្សានៅប្រទេសសហរដ្ឋអាមេរិកផ្ទាល់ នាពេលខាងមុខផងដែរ។ អង្គការ នានាអាចចូលរួមដាក់សំណើរសុំអាហារូបករណ៍នេះបាន ដោយគ្រាន់តែជ្រើសរើសសិស្សនិស្សិតរបស់ខ្លួនចំនួន២០ទៅ២៥នាក់ ដោយបង្ហាញថាពួកគេរស់នៅក្នុងស្ថានភាពគ្រួសារក្រីក្រ មានកាតសិស្សត្រឹមត្រូវ មានឆន្ទៈក្នុងការសិក្សារៀនសូត្រ និងមិនធ្លាប់បានអាហារូបករណ៍របស់កម្មវិធីនេះទេពីមុនមក។ ប៉ុន្តែ អង្គការនៅខេត្តមួយចំនួនដូចជា រាជធានីភ្នំពេញ ខេត្តរតនគិរី ក្រចេះ កំពង់ចាម កំពង់សោម កំពង់ឆ្នាំង និងខេត្តបាត់ដំបងមិនអាចដាក់ពាក្យសុំអាហារូបករណ៍នេះបានទេ ដោយសារមានកម្មវិធីនេះជាច្រើនបានអនុវត្តនៅខេត្តក្រុងនោះនាពេល កន្លងមកហើយ។ប្រភពមកពី៖សប្បាយ

Read More

រុក្ខទិវា ០៧ កក្ដដា

កាលពីព្រឹកថ្ងៃ អង្គារ៏ ទី ០៩ ខែ កក្កដា ឆ្នាំ ២០១៣ នៅខេត្តព្រះសីហនុ បានប្រារព្ធពិធីបុណ្យរុក្ខទិវា ដែលមានវត្តមានព្រះករុណាព្រះបាទបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ជាអធិបតី សម្ដេចមហាពញាចក្រី ហេង សំរិន ប្រធានរដ្ឋសភា និង សម្ដេចមហាសេនាបតី តេជោ ហ៊ុន សែន ជានាយករដ្ឋមន្រ្តីនៃព្រះរាជាណាចក្រកម្ពុជា អមដំណើររបស់ព្រះមហក្សត្រ។​ អគ្គរាជទូតបណ្ដាប្រទេសនានា ឯត្តម អ្នកឧញ្ញា លោក លោកស្រី មន្រ្តីរាជកាល សិស្ស និសិ្សត ព្រះសង្ឃ និងប្រជារាស្រ្តនៅក្នុងខេត្តព្រះសីហនុទាំងមូល។

       រុក្ខទិវានេះប្រារព្ធនៅភូមិ១ ឃុំ អូត្រោះ ស្រុក ស្ទឹងហាវ ខេត្ត ព្រះសីហនុ ក្រោមផ្ទៃដី ២០ ហិតា ដែលមានកូនឈើដូចជា៖ដើមក្រញូង ដើមឈើទាល និង​ ដើមគគី​ ដោយព្រះហស្ត របស់ព្រះអង្គផ្ទាល់។ក្នុងនោះអភិបាលខេត្ត ព្រះសីហនុ និង រដ្ឋមន្ត្រីក្រសូងកសិកម្ម រុក្ខាប្រមាញ់​ និងនេសាទ បានធ្វើសន្តរៈកថាយ៉ាងក្បោះក្បាយ។ព្រះអង្គក៏មានមតិផ្តាំផ្ញើរ និងសួរសុខទុក្ខ ដល់ប្រជារាស្រ្តរបស់ព្រះអង្គផងដែរ។ រុក្ខទិវានេះប្រារព្ធឡើងដើម្បី ធ្វើអោយប្រទេសកម្ពុជាយើង សំបូរព្រៃឈើ ដែលជាមរតកដ៏មានតម្លៃ ចៀសផុតពីគ្រោះមហន្តរាយន៍ផ្សេងៗ ហើយដើមឈើផ្តល់នូវអត្ថប្រយោជន៍ជាច្រើនដល់មនុស្ស សត្វ និងពិភពលោកទាំងមូលដូចជា៖ធ្វើអោយអាកាសធាតុបរិសុទ្ធ ជាជំរកសត្វព្រៃ ជួយការពារគ្រោះទុរម្ភភឹកផ្សេងៗ....។ព្រៃឈើគឺជាសរសៃឈាមនៃប្រទេសជាតិទាំងមូល មានព្រៃ មានសត្វនោះពិភពលោកនិងស្រស់បំព្រង។ ដូច្នេះយើងទាំងអស់គ្នាត្រូវតែស្រលាញ់ ថែរក្សាការពារព្រៃឈើ អោយបានគង់វង្ស និងខិតខំដើមឈើឡើងវិញ។ជាចុងក្រោយព្រះអង្គបានប្រទានពរ ដល់ប្រជារាស្រ្តទាំងអស់ជួបប្រទះតែសុខគ្រប់ពេលវេលា។ ហើយព្រះអង្គបានប្រទានអំណោយដល់អ្នកក្រីក្រ ចាស់ជរា ជនពិការ លោគ្រូអ្នកគ្រូ និង សិស្សានុសិស្ស៕

មានព្រៃឈើ មានទឹក មានទឹកនោះប្រទេសរីកចំរើន

សរសេរដោយ៖ ជន ចន្រ្តា

Read More

រៀន៥មុខឥតគិតថ្លៃនៅមជ្ឈមណ្ឌលសហប្រតិបត្តិការកម្ពុជា-កូរ៉េ

មជ្ឈមណ្ឌលសហប្រតិបត្តិការកម្ពុជា-កូរ៉េ (CKCC) នឹងបើកវគ្គIntensive Program ដែលមានវាគ្មិនពីប្រទេសកូរ៉េជាច្រើនរូបចូលមកបង្រៀន និងចែករំលែកបទពិសោធន៍។ តើអ្នកចង់ចូលរួមទទួលយកនូវបទពិសោធន៍ និងចំនេះដឹងដែលពាក់ព័ន្ធនឹងវិស័យផ្សេងៗនៅក្នុងប្រទេសកូរ៉េ ដែរឬទេ? វគ្គបណ្ដុះបណ្តាលនេះនឹងបង្ហាញពីបទពិសោធន៍របស់ប្រទេសកូរ៉េក្នុងវិស័យបច្ចេកវិទ្យា នយោបាយអប់រំ និងចំណេះដឹង ដែលជួយពង្រឹងដល់សមត្ថភាពនៃការអភិវឌ្ឍសេដ្ឋកិច្ច និងគុណភាពនៃជីវិត។ វគ្គនេះរួមមានមុខវិជ្ជាចំនួន៥ដូចជា Electronic government , IS Planning and ERP system, រដ្ឋបាលសាធារណៈ (Public Administration), គ្រប់គ្រងពាណិជ្ជកម្មបែបកូរ៉េ (Korean Business Administration) , និងការអភិវឌ្ឍសេដ្ឋកិច្ចបែបកូរ៉េ (Korean Economic Development)។ វគ្គនេះអនុញ្ញាត្តឲ្យបេក្ខជនចូលរួមសិក្សាដោយឥតគិតថ្លៃ ហើយបើកសម្រាប់ មន្ត្រីរាជការ បុគ្គលិកតាមសាកលវិទ្យាល័យ ឬអង្គការ និងនិស្សិតដែលទើបតែនឹងបញ្ចប់ការសិក្សា។ ដោយឡែកបេក្ខជនទាំងអស់ត្រូវផ្ញើCV និងសញ្ញាបត្រភាសាអង់គ្លេសដើម្បីសុំចុះឈ្មោះចូលរៀន។ សម្រាប់មុខវិជា្ជនីមួយៗកំណត់យកតែបេក្ខជនត្រឹមតែ៣០នាក់ប៉ុណ្ណោះ។ បន្ទាប់ពីប្រលងជាប់វគ្គសិក្សានេះហើយបេក្ខជននឹងទទួលបានសញ្ញាបត្រដែលចេញដោយវិទ្យាស្ថានIPAID និងCKCC។ប្រភពមកពី៖សប្បាយ

Read More

រួសរាន់ឡើង! អាហារូបករណ៍អាមេរិកធ្លាក់មកដល់កម្ពុជាហើយ

ផ្សាយក្នុងផ្នែក ព័ត៌មានសង្គម ដោយ phalla.somalina កាលពី 10 mins ago 0 Comment(s) ក្រសួងការបរទេសសហរដ្ឋអាមេរិកប្រកាសផ្តល់អាហារូបករណ៍ហាំហ្រ្វី (Hubert H. Humphrey) ប្រចាំឆ្នាំ២០១៤-២០១៥ ដល់បេក្ខជនឲ្យបានទៅសិក្សានៅសាកលវិទ្យាល័យនានា នៅសហរដ្ឋអាមេរិក។ តាមរយៈអាហារូបករណ៍នេះ បេក្ខជននឹងទទួលបាននូវភាពជាអ្នកដឹកនាំ សម្រាប់ថ្ងៃអនាគត និងយល់ដឹងពីសង្គមវប្បធម៌ និងនយោបាយរបស់សហរដ្ឋអាមេរិក។ យ៉ាងណាមិញ អាហារូបករណ៍នឹងផ្តល់ជូនលើជំនាញជាច្រើនក្នុងផ្នែកដូចជា ការអភិវឌ្ឍ, នយោបាយ, ការអប់រំ, និងសុខភាពសាធារណៈ។ លក្ខខណ្ឌជ្រើសរើស បេក្ខជនត្រូវមានឆន្ទៈសិក្សា លើជំនាញដែលខ្លួនជ្រើសរើស មានបទពិសោធន៍ការងារយ៉ាងតិច៥ឆ្នាំ (ទាក់ទងនឹងជំនាញ) ត្រូវបញ្ចប់ថ្នាក់បរិញ្ញាបត្រ និងមានពិន្ទុTOEFLចាប់ពី៥២៥ឡើង។ ដោយឡែក រាល់ការចំណាយផ្សេងៗដូចជា ថ្លៃសិក្សា ថ្លៃធ្វើដំណើរទៅមក និងថ្លៃស្នាក់នៅ គឺភាគីអាមេរិកជាអ្នកទទួលបន្ទុកទាំងអស់។ កាលបរិច្ឆេទឈប់ទទួលពាក្យគឺនៅថ្ងៃទី១៩ ខែសីហា ខាងមុខនេះ។ពត៌មានមកពី៖សប្បាយ
ព័ត៌មានលម្អិតសូមចូលទៅកាន់គេហទំព័រ cambodia.usembassy.gov

Read More

កាន់តែស្អាតនិងសង្ហា កាន់តែជោគជ័យនៅកន្លែងការងារមែនទេ?

យោងតាមការស្រាវជ្រាវមួយ ដោយអ្នកវិភាគម្នាក់គឺលោក Jezebel មកពីសាកលវិទ្យាល័យMichigan State University បានបង្ហាញថា មនុស្សដែលមានរូបរាងស្អាត សង្ហាពិតជាមានឱកាសទទួលបានជោគជ័យច្រើននៅកន្លែងការងារ ជាងអ្នកដែលមានរាងមិនសូវស្អាត។លទ្ធផល ស្រាវជ្រាវនេះ បានធ្វើឡើងដោយផ្អែកទៅតាមការសាកល្បងស្ទង់មតិវាយតម្លៃទៅលើ បុគ្គលិកបម្រើការងារចំនួន ១១៤នាក់។ ក្នុងចំណោមបុគ្គលិកការងារទាំងនោះ បានរកឃើញថា តួលេខអ្នកមានរាងស្អាតសង្ហា គឺពិតជាទទួលបានជោគជ័យច្រើន និងរងសម្ពាធតិចជាងអ្នកដែលមានរូបរាងមិនសូវបាន។ យោង តាមសម្ដីផ្ទាល់របស់អ្នកវិភាគខាងលើបានបញ្ជាក់ថា ប្រសិនបើបុគ្គលិកម្នាក់មានរាងស្អាតសង្ហា បុគ្គលិករួបនោះអាចទទួលបានពិន្ទុបន្ថែមទៅលើភាពទាក់ទាញ និងទទួលបានក្តីស្រលាញ់រាប់អានច្រើនពីអ្នករួមការងារនៅជុំវិញ ខ្លួន។ លោកបានបន្ថែមទៀតថា បុគ្គលិកដែលមានរូបរាងមិនសូវបាន សូមកុំអាលអាក់អន់ចិត្តអី បើចង់ឲ្យខ្លួនគេចផុតពីសម្ពាធនេះបានមែន គួរតែហ៊ានចំណាយប្រាក់ទៅកែសម្ផស្សហើយ។ ទោះ ជាយ៉ាងណា ការស្រាវជ្រាវនេះមិនបានបញ្ជាក់ពីការឲ្យតម្លៃទៅលើ គុណភាពការងារ សមត្ថភាព និងអត្ថចរិតរបស់បុគ្គលិកនោះទេ ខណៈគេមើលឃើញជាទូទៅថា គុណភាពការងាររបស់បុគ្គលិក គឺជារឿងអាទិភាពដែលបញ្ជាក់ពីភាពជោគជ័យរបស់គេម្នាក់ៗ៕ប្រភពមកពី៖សប្បាយ

Read More

ចង់​អភិវឌ្ឍ​​ខ្លួន​ឯង​​ សាក​គិត​ថា​ខ្លួន​​អ្នក​ជា​ “​ផលិតផល”

ចង់​អភិវឌ្ឍ​តម្លៃ​ខ្លួន​ឯង​ជា​អ្វី​ដែល​មនុស្ស​គ្រប់​គ្នា​ត្រូវ​ការ។ ​អីចឹង​​ សាក​គិត​ថា ​ខ្លួន​អ្នក​ជា​ផលិតផល​​ដែល​កំពុង​​តែ​​ស្ថិត​នៅ​ក្នុង​ស្ថានភាព​​ប្រកួតប្រជែង​មួយ​វិញ​មើល៍​ថា ​អ្វីៗ​នឹង​ទៅ​ជា​យ៉ាង​ណា? ​នៅ​ពេល​ដែល​អ្នក​គិត​ថា ​អ្នក​ជា​ផលិតផល​ អ្នក​ត្រូវ​ព្យាយាម​ផ្លាស់ប្ដូរ​ខ្លួន​ឯង​ដើម្បី​បំពេញ​តម្រូវ​ការ​ទីផ្សារ​ ពុំ​នោះ​ទេ​​អតិថិជន​របស់​អ្នក​នឹង​បោះបង់​ចោល​អ្នក​ទៅ​ជ្រើស​យក​ផលិតផល​ផ្សេង​ដែល​ល្អ​ជាង​ទាំង​គុណភាព​ និង​តម្លៃ។ ដើម្បី​ឲ្យ​ផលិតផល​មួយ​មាន​គុណភាព ​និង​ប្រសើរ​ជាង​មុន ​ជា​ដំបូង​អ្នក​ត្រូវ​សិក្សា​ស្វែង​យល់​ពី​ចំណុច​ខ្វះខាត​នៅ​លើ​ផលិតផល​ផ្ទាល់ ​ដោយ​ទទួល​យក​មតិ​ យោបល់​​ ការ​រិះគន់​ ពី​អតិថិជន​ប្រើប្រាស់។ ​បន្ទាប់​ពី​ទទួល​បាន​​គំនិត​ច្រើន​ពី​អតិថិជន​ហើយ ​អ្នក​អាច​ធ្វើ​ការ​វិភាគ​ និង​ជ្រើសរើស​យក​ចំណុច​ល្អ​មក​ផ្លាស់​ប្ដូរ​ទៅ​លើ​ផលិតផល​ដែល​មាន​ដើម្បី​បំពេញ​តម្រូវ​ការ​អតិថិជន​ដែល​មាន​ស្រាប់ ​និង​បង្កើត​ចំណុច​ពិសេស​ណាមួយ​ទាក់ទាញ​​អតិថិជន​ថ្មីៗ​ផ្សេងទៀត។ ​ ចំពោះ​ខ្លួន​អ្នក ​អតិថិជន​ដែល​អាច​ផ្ដល់​ជា​មតិ​ យោបល់ ​និង​ការ​រិះគន់​គឺ ​មនុស្ស​ជុំវិញ​ដែល​កំពុង​រស់នៅ​​ ធ្វើការ​ និង​ប្រាស្រ័យ​ទាក់ទង​ជាមួយ​អ្នក។ ​ដូច្នេះ​ សាកល្បង​បើក​ចិត្ត​ឲ្យ​ទូលាយ​ និង​​ឲ្យ​ពួកគេ​និយាយ​ពី​ចំណុច​វិជ្ជមាន​ និង​អវិជ្ជមាន​របស់​អ្នក។ ​​ការ​ផ្លាស់ប្ដូរ​ខ្លួន​ឯង​នេះ​ទៀត​សោត​​មិន​ចាំបាច់​​ថា ​ត្រូវ​ចំណាយ​ច្រើន​នោះ​ទេ។ ​សាក​គិត​ថា​ ​អ្នក​ចង់​ផ្លាស់ប្ដូរ​ខ្លួន​ឯង​ពាក់ព័ន្ធ​នឹង​ចំណេះដឹង​លើ​​ពី​ប្រធានបទ​មួយ​ឧទាហរណ៍​ សេដ្ឋកិច្ច​ក្នុង​រយៈពេល​មួយ​ឆ្នាំ។​​ ​​ដូច្នេះ​ ក្នុង​មួយ​ខែ​អ្នក​អាច​ចំណាយ​ពេល​ទៅ​បណ្ណាល័យ​ បី​ ឬ​បួន​ដង​​អាន​សៀវភៅ​ពាក់ព័ន្ធ​នឹង​សេដ្ឋកិច្ច ​ឬ​អាច​ទិញ​សៀវភៅ​បី​បួន​ក្បាល​សម្រាប់​អាន​​រយៈពេល​មួយ​ឆ្នាំ​តែ​ម្ដង។ ផុត​ពី​មួយ​ឆ្នាំ​ទៅ ​​ប្រៀបធៀប​ខ្លួន​ឯង​បន្តិច​មើល៍​ថា ​កាល​ពី​មួយ​ឆ្នាំ​មុន ​និង​បច្ចុប្បន្ន​អ្នក​មាន​ការ​យល់ដឹង​យ៉ាង​ណា​ ពាក់ព័ន្ធ​នឹង​ប្រធានបទ​សេដ្ឋកិច្ច។ មួយ​ឆ្នាំ​ក្រោយ​មក​ទៀត អ្នក​អាច​ផ្ដោត​ទៅ​លើ​ប្រធានបទ​ថ្មី​មួយ​ទៀត។ ​​ស្រមៃ​មើល​ថា ​១០ ​ឆ្នាំ​បន្ទាប់​​ចំណេះដឹង​របស់​អ្នក​ផ្លាស់ប្ដូរ​ប៉ុណ្ណា? ​ពេល​ខ្លះ​អ្នក​មិន​បាន​គិត​ចង់​ផ្លាស់ប្ដូរ​ខ្លួន​ឯង​ទេ ​ព្រោះ​យល់​ថា​ នោះ​គ្រាន់​ជា​ការ​ផ្លាស់ប្ដូរ​តិចតួច​ប៉ុណ្ណោះ​ ប៉ុន្តែ​​កុំ​ភ្លេច​ថា ​រយៈពេល​ ១០ ​ឆ្នាំ​ក្រោយ​អ្នក​នឹង​មើល​ឃើញ​ច្បាស់​ថា ​ការ​ផ្លាស់​ប្ដូរ​តិចតួច​ប្រចាំ​ថ្ងៃ​នោះ​ផ្លាស់ប្ដូរ​ជីវិត​របស់​អ្នក​ធំធេង​ប៉ុណ្ណា។ ចូរ​គិត​ពី​ទីផ្សារ​រយៈពេល ៥ ឬ​ ១០ ​ឆ្នាំក្រោយ ​ហើយ​សាកល្បង​សម្រួច​ខ្លួន​អ្នក​ ពី​ពេល​ឥលូវ​។ប្រភពមកពី៖សប្បាយ

Read More

Facebook ធ្វើឲ្យប៉ះពាល់ការសិក្សា?

 បណ្ដាញទំនាក់ទំនងសង្គម Facebook បានផ្ដល់ផលប្រយោជន៍ជាច្រើនដល់អ្នកប្រើប្រាស់ ក្នុង នោះរួមមានការចែកចាយនូវចំណាប់អារម្មណ៍ សកម្មភាព និងព័ត៌មាននានាជាច្រើន។ទន្ទឹមនឹងគុណប្រយោជន៍ដ៏ច្រើននេះមាន យុវជនខ្លះបាននិយាយថាបណ្ដាញសង្គម Facebook ក៏អាចធ្វើឲ្យប៉ះពាល់ដល់ការសិក្សាផងដែរ? កក្កដា និស្សិតសាកលវិទ្យាល័យបញ្ញាសាស្រ្ត ដែលកាន់ smart phone នៅក្នុងដៃបាននិយាយថា ការប្រើប្រាស់បណ្តាញសង្គម Facebook គឺមានភាព ងាយស្រួលច្រើន ព្រោះធ្វើឲ្យយើងងាយទាក់ទង និងទទួលបានព័ត៌មានពីគ្នាទៅវិញទៅមកបានឆាប់រហ័ស។មិនត្រឹម ប៉ុណ្ណឹងក៏អាចទទួលបានព័ត៌មានទាន់ហេតុការណ៍ពីបណ្ដាញផ្សព្វផ្សាយ នានាជាច្រើនទៀត ដែលមានចែកចាយនៅលើ បណ្តាញសង្គម Facebook ផងដែរ។ ទន្ទឹម គ្នាដែរ កញ្ញា ចាន់ ធី និសិ្សត សកលវិទ្យាល័យបញ្ញាសាស្រ្តផងដែរយល់ស្របទៅនឹងការលើកឡើងរបស់ កក្កដា ។ប៉ុន្តែ កញ្ញា យល់ថាមានសិស្ស ឬនិសិ្សតខ្លះ បានប្រើពេលវេលាច្រើន ក្នុងការបើក បណ្តាញសង្គម Facebook ច្រើនជាងការស្រាវជ្រាវមេរៀន លើប្រព័ន្ធអ៊ីនធ័រណេត ដែលជារូបភាពមិនល្អ។ កញ្ញានិយាយថា “មានមិត្តភ័ក្ដិខ្ញុំខ្លះ សូម្បីម៉ោងរៀនក៏បើក Facebook នៅលើទូរសព្ទរបស់ខ្លួនដែរ ខណៈពេលគ្រូកំពុងពន្យល់មេរៀន ដូចនេះខ្ញុំយល់ថាតិចឬច្រើនវាអាចធ្វើឲ្យប៉ះពាល់ដល់ការ សិក្សារបស់គេ”។ ណារ៉េន និស្សិតសកលវិទ្យាល័យបៀលប្រាយនិយាយថាក្រៅពីធ្វើឲ្យប៉ះ ពាល់ដល់ការសិក្សា យុវតីវ័យក្មេងពេកប្រើប្រាស់បណ្ដាញសង្គម អាចងាយប្រឈមការចាញ់បោកបញ្ឆោតពីជនខិលខួច ដែលឆ្លៀត ប្រើប្រាស់បណ្ដាញសង្គមមួយនេះ ក្នុងគោលបំណងមិនល្អ ។កញ្ញាបន្ថែមថា “ខ្ញុំធ្លាប់លឺព័ត៌មានចុះរួចហើយទាក់ទងនិងបោកប្រាស់តាមបណ្ដាញ សង្គម Facebook រហូតមានអ្នកខ្លះត្រូវលះបង់ខ្លួនប្រាណ ដោយសារស្គាល់គ្នាតាមFacebook ”។ វុទ្ធី បុគ្គលិកបម្រើការងារនៅក្រុមហ៊ុនឯកជនមួយ ក្នុងរាជធានីភ្នំពេញនិយា យថា ការប្រើប្រាស់បណ្ដាញសង្គមច្រើនពេកមិនត្រឹមតែធ្វើឲ្យប៉ះពាល់ ដល់ការសិក្សាទេ តែក្រុមហ៊ុនឯកជនខ្លះក៏បានមើលពីផលប៉ះពាល់ ក្នុងសកម្មភាពការងារផងដែរ។លោកបានបន្ថែមថា “ពីមុនក្រុមហ៊ុនរបស់ខ្ញុំ ក៏បើកបណ្ដាញសង្គម Facebook ឲ្យបុគ្គលិកប្រើប្រាស់ដែរ ។ប៉ុន្តែបន្ទាប់មកក៏បានបិទទៅវិញ ដោយសារធ្វើឲ្យប៉ះពាល់ ម៉ោងធ្វើការងារនៅក្រុមហ៊ុន។ លោក ឆាយ រ័ត្នមុន្នី នាយកប្រតិបត្តិសកលវិទ្យាល័យវេស្ទឺន សាខាទួលស្វាយព្រៃបានមានប្រសាសន៍ថា ការប្រើប្រាស់បណ្ដាញសង្គម Facebook មានទាំងចំណុចវិជ្ជមាន និងអវិជ្ជមាន ព្រោះបណ្ដាញសង្គមមានភាពធំទូលាយ និងភ្ជាប់ទំនាក់ទំនងមនុស្សរាប់លាននាក់នៅទូទាំងសកលលោក។ លោក បានបន្ថែមថាសិស្ស និស្សិតគួរយល់ពីតម្លៃរបស់បណ្ដាញសង្គម ដោយធ្វើការចែករំលែកនូវព័ត៌មានមានប្រយោជន៍ ទាក់ទងចំណេះដឹងឬការអប់រំ ជាជាងប្រើប្រាស់បណ្ដាញសង្គម ដើម្បីតែការកម្សាន្ត ហើយឃ្លាតឆ្ងាយពីការសិក្សានោះ។ដូច្នេះជាបណ្តាំផ្ញើរសិស្ស និស្សិតគួរប្រើប្រាស់ពេលវេលា ក្នុងការសិក្សាស្រាវឲ្យបានច្រើន កុំចំណាយពេលច្រើនឥតប្រយោជន៍ កម្សាន្តក្នុងបណ្ដាញសង្គម Facebook នោះ៕ប្រភពមកពី៖សប្បាយ

Read More

សិស្ស វិទ្យាស្ថាន អន្តរជាតិឌែលី ៤រូប បានទស្សនកិច្ចសិក្សា នៅប្រទេសសិង្ហបុរី

ភ្នំពេញៈ បន្ទាប់ពីបាន ឆ្លងកាត់ ការប្រឡងចម្រាញ់ ជាមួយសិស្ស ៥០០នាក់ វិទ្យាស្ថាន អន្តរជាតិឌែលី បានសម្រេចបញ្ជូន និស្សិតឆ្នើម ៤រូប ទាំងផ្នែកភាសាខ្មែរ និងភាសា អង់គ្លេស ទៅទស្សនកិច្ចសិក្សា នៅប្រទេសសិង្ហបុរី ដើម្បីជាការលើកទឹកចិត្ត ដល់ពួកគេ។ មុនពេលចេញដំណើរ នៅអាកាសយាន្តដ្ឋានអន្តរជាតិភ្នំពេញ កាលពីព្រឹកថ្ងៃទី១៩ ខែមិថុនា ឆ្នាំ២០១៣ លោក ព្រីង តារា ប្រធានការិយាល័យសិក្សា ផ្នែកភាសាអង់គ្លេស បានឱ្យដឹងថា ដំណើរទស្សនកិច្ចសិក្សានេះ ដឹងនាំដោយលោក វិទ្យាស្ថានផ្ទាល់ ក្នុងគោលបំណង់ជំរុញឱ្យ សិស្សានុសិស្ស បានសិក្សាស្វែងយល់ ពីការអប់រំ ក្នុងប្រទេសសិង្ហបុរី ក្នុងនោះផងដែរ ក៍មានជា ការចែករំលែក បទពិសោធន៍ ការបង្រៀន និងវប្បធម៌ របស់ប្រទេសសិង្ហបុរីមកកាន់កម្ពុជា តាមរយៈប្អូនសិស្សានុសិស្ស។ លោកបានបន្តថា ប្អូនៗ ទាំង៤នាក់មុននឹងទទួល បានឱកាសទៅទស្សនកិច្ចសិក្សា នៅប្រទេស សិង្ហបុរីនេះ គឺឆ្លងកាត់ការប្រឡង យ៉ាងស្វិតស្វាញ ជាបីតំណាក់កាល គឺ ជំនាញស្តាប់ និយាយ និងវេយ្យាករណ៍ ដើម្បីធ្វើតេស្ត សមត្តភាពមុនពេលទៅប្រទេស សិង្ហបុរី។ តំណាង ប្អូនៗជាសិស្សពូកែ ដែលទទួលបានជ័យលាភីទាំង ៤រូប បានបញ្ជក់ពីអារម្មណ៍ សប្បាយរីករាយ និង ការតាំងចិត្ត ដើម្បីនាំនូវវប្បធម៌ អរិយធម៌ របស់កម្ពុជា ទៅចែករំលែក ដល់សិស្សានុសិស្ស និងប្រជាជនសិង្ហបុរី ក៍ដូចជាសិក្សារៀនសូត្រពី ការរីកចំរើនរបស់សិង្ហបុរី ពិសេស ផ្តោតសំខាន់ លើការរីកចម្រើន នៃវិស័យអប់រំ ដើម្បីចែករំលែកបទពិសោធន៍ និង ចំណេះដឹងថ្មីៗទាំងអស់នេះ ដល់មិត្តរួមថ្នាក់ និងសិស្ស ក៍ដូចជាប្រជាជនកម្ពុជាទាំងមូល៕ប្រភពមកពី៖ដើមអំពិល

Read More

និស្សិត​កម្ពុជា​រៀបចំ​ការ​ប្រជុំ​ Model United Nations

នៅថ្ងៃសៅរ៍ទី 22 ខែមិថុនាឆ្នាំ 2013 ដេប៉ាតឺម៉ង់សិក្សាអន្តរជាតិ (Department of International Studies) នៃវិទ្យាស្ថានភាសាបរទេស (IFL)នឹងរៀបចំការប្រជុំជាគំរូនៃអង្គការសហប្រជាជាតិលើកទី 3 (The Third Model United Nations) នៅម៉ោង 8:00 ព្រឹកនៅមជ្ឈមណ្ឌលសហប្រតិបត្តិការកម្ពុជា-កូរ៉េ (Cambodia-Korea Cooperation Center) នៃសាកលវិទ្យាល័យភូមិន្ទភ្នំពេញ។ នេះគឺជាលើកដំបូងហើយដែលកម្មវិធីនេះត្រូវបានបើកសម្រាប់សាធារណជន ចូលរួមដោយមិនគិតថ្លៃ។ ការ សម្ដែងជាគំរូនៃអង្គការសហប្រជាជាតិ (The Model United Nations)មានគោលបំណងបង្ហាញទស្សនិកជនអំពីបែបបទប្រជុំការតស៊ូមតិ ការសម្រេចចិត្ត ការបោះឆ្នោត និងអំណាចរបស់ក្រុមប្រឹក្សាសន្តិសុខអង្គការសហប្រជាជាតិ (The United Nations Security Council)។និស្សិតឆ្នើម15 នាក់នឹងធ្វើជាតំណាងឱ្យគណៈប្រតិភូរបស់រដ្ឋជាសមាជិកនៃក្រុម ប្រឹក្សាសន្តិសុខអង្គការសហប្រជាជាតិដើម្បីពិភាក្សាអំពី”បញ្ហា នុយក្លេអ៊ែររបស់ប្រទេសកូរ៉េខាងជើង” ដែលជាបញ្ហាក្ដៅគគុកក្នុងឆាកអន្តរជាតិនាពេលបច្ចុប្បន្ន។ និស្សិត សាកលវិទ្យាល័យ និងបុគ្គលិកអង្គការក្រៅរដ្ឋាភិបាលដែលមានចំណាប់អារម្មណ៍ចំពោះ កិច្ចការរបស់អង្គការសហប្រជាជាតិបញ្ហាអន្តរជាតិ និងអាចប្រើប្រាស់ភាសាអង់គ្លេសអាចចុះឈ្មោះOnline និងបំពេញព័ត៌មានផ្ទាល់ខ្លួនតាមរយៈ linkខាងក្រោមអោយបានមុនថ្ងៃទី 20ខែមិថុនាឆ្នាំ 2013។ប្រភពមកពី៖សប្បាយ

Read More

ស្ថានីយ​ទូរទស្សន៍​ជាតិ​ផលិត​កម្ម​វិធី​សិល្បៈ​អប​អរ​សាទរ​ថ្ងៃ​បុណ្យ​ចម្រើន​ព្រះ​ជន្ម​សម្តេច​ម៉ែ​

រាជធានីភ្នំពេញ ៖ តាំងពីថ្ងៃទី១០ ដល់ថ្ងៃទី១២ មិថុនា ២០១៣ ស្ថានីយទូរទស្សន៍ជាតិកម្ពុជា បានរៀបចំកម្មវិធីសិល្បៈក្រោមការ ចូលរួម ពីសិល្បករល្បីឈ្មោះ ប្រចាំព្រះរាជាណាចក្រកម្ពុជា ជាច្រើនដួង ដើម្បីអបអរសាទរ ពិធីបុណ្យចម្រើនព្រះជន្មសម្តេចម៉ែ៧៧ព្រះវស្សា យាងចូល៧៨ព្រះវស្សា នាថ្ងៃទី១៨ មិថុនា ២០១៣ ។ ក្នុងពិធីដ៏ពិសេសនេះ អ្នករៀបចំកម្មវិធីសិល្បៈបានប្រមូលផ្តុំដោយសិល្បៈច្រើនទម្រង់ ដើម្បីសម្តែង មានដូចជា យីកេ មហោរី ល្ខោនបាសាក់ និងចម្រៀងសម័យជាដើម ។ ក្នុងកម្មវិធីរយៈពេល៣ថ្ងៃពេញដែលធ្វើឡើងនៅ បរិវេណស្ថានីយទូរទស្សន៍ជាតិ ក្រៅពីមានការសម្តែងសិល្បៈបុរាណ ក៏មានការចូលរួមពីតារាល្បីៗ ដូចជាលោក ព្រាប សុវត្ថិ, កញ្ញា ឱក សុគន្ធកញ្ញា, អ្នកស្រី ហ៊ឹម ស៊ីវន, លោក រិន សាវេត, កញ្ញា សុន ស្រីពេជ្រ, អ្នកនាង ប៊ុត កន្យា អ្នកចម្រៀងប្រចាំព្រះបរមរាជវាំង អ្នកនាង កែវ ចន្ទសម្ផស្ស, អ្នកនាង ឈិន សុរាវី, អ្នកនាង ខាត់ សុឃីម, អ្នកនាង ហ៊ឹម សុភី, លោក សួស សងវាចា, លោក សុខ សាខន, លោក ជិន វឌ្ឍនា, កញ្ញា ឈិត សុវណ្ណបញ្ញា, លោក ឆន សុវណ្ណរាជ និងលោក ឯក ស៊ីដេ ជាដើម ។ តាមអ្នកបម្រើការងារប្រចាំស្ថានីយទូរទស្សន៍ ជាតិកម្ពុជាឱ្យដឹងថា ជារៀងរាល់ឆ្នាំ ស្ថានីយទូរទស្សន៍ជាតិកម្ពុជា តែងតែរៀបចំកម្មវិធីសិល្បៈអបអរសាទរពិធីបុណ្យចម្រើនព្រះជន្ម សម្តេចម៉ែជាប្រចាំ មិនដែលអាក់ខានឡើយ ដោយសម្រិតសម្រាំងផ្ទាំងសិល្បៈទស្សនីយភាពល្អៗ ។ ដោយសារតែជាកម្មវិធីសិល្បៈពិសេស ដូច្នេះប្រមូលផ្តុំដោយសិល្បៈជាច្រើនទម្រង់សម្រាប់សម្តែង ។ មានការគិតគូរពិភាក្សាល្អិតល្អន់ មុននឹងរួមគ្នាលើកយកប្រធានបទណាមួយមករៀបចំ ខ្លាចធ្វើទៅមិនល្អ សូម្បីតែតារាចម្រៀងដែលមានវត្តមានក្នុងពិធីថតទុករយៈពេល៣ថ្ងៃ នេះ ក៏ជូនដំណឹងឱ្យពួកគេជ្រើសរើសសម្លៀកបំពាក់ណា ដែលឆ្លុះបញ្ចាំងពីលក្ខណៈជាតិសក្តិសមទៅនឹងថ្ងៃបុណ្យចម្រើន ព្រះជន្មរបស់សម្តេចម៉ែ ដែលជាទីគោរពរបស់ប្រជាពលរដ្ឋ ហើយថែមទាំងចាក់ផ្សាយអាចទស្សនារហូតដល់ក្រៅប្រទេសទៀតផង ។ នៅក្នុងកម្មវិធីពិសេសរយៈពេល៣ថ្ងៃនោះ ប្រិយមិត្តទស្សនិកជន នឹងបានឃើញសិល្បៈជាច្រើនទម្រង់ មានទាំងល្ខោនបាសាក់ មហោរី យីកេ របាំជូនពរ ព្រមទាំងចម្រៀងសម័យជាស្នាព្រះហស្តរបស់អង្គសម្តេចតា ក៏ដូចជាបទចម្រៀងជំនាន់លោក ស៊ីន ស៊ីសាមុត ដែលបង្ហាញជូនដោយតារាល្បីឈ្មោះនាពេលបច្ចុប្បន្ននេះ រួមទាំងរំលេចម៉ូតសម្លៀកបំពាក់ប្រពៃណីខ្មែរដែលសិល្បករ-សិល្ប ការិនីបង្ហាញ ។ ការចាក់ផ្សាយកម្មវិធីសិល្បៈនេះ នាថ្ងៃទី១៨ មិថុនា ២០១៣ ជាថ្ងៃបុណ្យចម្រើនព្រះជន្មសម្តេចម៉ែ ៕ប្រភពមកពី៖កោះសន្តិភាព

Read More

ពិព័រណ៍គ្រឿង អលង្ការមានតម្លៃ និងត្បូងពេជ្រ លើកទី៥ ចាប់ផ្តើម

ភ្នំពេញ៖ ពិព័រណ៍គ្រឿងអលង្ការមានតំលៃ និងត្បូងពេជ្រ លើកទី៥ បានចាប់ផ្តើមហើយ នៅថ្ងៃព្រហស្បតិ៍ទី១៣ ខែមិថុនា ឆ្នាំ២០១៣ ជាមួយនឹងការនាំមកនូវពាណិជ្ជករត្បូងពេជ្រ និងគ្រឿងអលង្ការនានា មករកស៊ី នៅក្នុងប្រទេសកម្ពុជា បន្ថែមទៀត។

លោកទេសរដ្ឋមន្រ្តី ចម ប្រសិទ្ធិ រដ្ឋមន្រ្តីក្រសួងពាណិជ្ជកម្ម បានថ្លែងនៅក្នុងពិធី នាមជ្ឈមណ្ឌលកោះពេជ្រថា នេះជាលើកទី៥ ដែលរាជរដ្ឋាភិបាលកម្ពុជា បានរៀបចំព្រឹត្តិការណ៍នេះ ឡើង ពោលគឺចាប់តាំងពីឆ្នាំ ២០០៩មកម្លេះ។

លោករដ្ឋមន្រ្តី បានព្រឹត្តិការណ៍នេះ ថា ជាឱកាសទាក់បន្ថែមសម្រាប់ពាណិជ្ជករ រកស៊ីខាងត្បូងនិងគ្រឿងអលង្ការមានតំលៃ មកប្រទេសកម្ពុជា គ្រាដែលកម្ពុជា មានមហិច្ឆតា និងផែនការចង់ធ្វើជាប្រទេសផ្គត់ផ្គង់គ្រឿងអលង្ការ និងត្បូងមានតំលៃ នៅតំបន់អាស៊ីអាគ្នេយ៍ ប៉ែកអាគ្នេយ៍។ប្រភពមកពី៖ដើមអំពិល

ភ្នំពេញ៖ The Big Academy សម្ព័នបណ្តុះ បណ្តាលអន្តរជាតិ ផ្តល់ការបណ្តុះបណ្តាល ដ៏ពិសេសដល់ពលរដ្ឋ កម្ពុជា នូវគន្លឺះយុទ្ធសាស្រ្តនៅក្នុងវិស័យពាណិជ្ជកម្ម វិធីសាស្រ្តទំនាក់ទំនងការគ្រប់គ្រង និងវិធីសាស្រ្តបង្កើនប្រាក់ ចំណូលក្នុងវិស័យពត័មានវិទ្យាពីជនជាតិ Singapore & Malaysia។ ការបណ្តុះបណ្តាលដ៏ពិសេសនេះ នឹងធ្វើ ឡើងរៀងរាល់ចុងសប្តាហ៍នៅផ្សារទំនើបរតនាផ្លាហ្សា។
The BIG Academy គឺជាគ្រឹះស្ថានបណ្តុះបណ្តាលថ្នាក់អន្តរជាតិមួយ កំពុងដំណើរការនៅ ក្នុងតំបន់អាស៊ីប៉ាស៊ី ហ្វិក និងបណ្តាប្រទេសនានាក្នុងពិភពលោក ជាពិសេសជាស្ថាប័នមួយដែលស្ថិតនៅក្នុងការគ្រប់គ្រង របស់ក្រុម ហ៊ុនវិនយោគទុន «EBC» (Empire BIG Capital)ដែលមានទីតាំងនៅក្នុងទីក្រុង Hong Kong (Tai Sang Bank Building) ក្នុងនោះដែរThe BIG AcademyOffice ក៏មាននៅប្រទេសMalaysia, Singapore និងថ្មីៗនេះសាខា តំណាងThe BIG Academy ក៏បានមកដល់ប្រទេសកម្ពុជាយើងហើយ តាមរយៈកម្មវិធីនេះ ប្រជាជនខ្មែរយើង នឹងកាន់តែមានភាពជិតស្និទ្ធជាមួយប្រជាជាតិអាស៊ាន។
- See more at: http://www.dap-news.com/2011-06-14-02-39-55/65948-----the-big-academy-.html#sthash.KamPGAWG.dpuf

Read More

ហេតុ​អ្វី​និស្សិត​ខ្មែរ​ធ្វើ​កិច្ចការ​សាលា​មិន​រួច​តាម​ការ​កំណត់​របស់​គ្រូ?

·         និស្សិត​មួយ​ចំនួន​ចូល​ចិត្ត​ពន្យារ​ពេល​ធ្វើ​កិច្ចការ​សាលា​ ដែល​គ្រូ​បាន​ដាក់​ឲ្យ​ ដោយ​ទុក​ចោល​រហូត​ជិត​ដល់​ថ្ងៃ​ប្រមូល​ ទើប​ស្ទុះស្ទា​ទាញ​យក​មក​ធ្វើ​។ និស្សិត​ខ្លះ​បាន​ទាំង​សុំ​គ្រូ​ឲ្យ​ពន្យារ​ពេល​ឲ្យ​ខ្លួន​ប៉ុន្មាន​ថ្ងៃ​ បន្ថែម​ទៀត​ ដោយសារ​ការ​ងារ​សាលា​នោះ​ធ្វើ​មិន​ទាន់​រួច។ ​តើ​មូល​ហេតុ​អ្វី​បាន​ជា​ធ្វើ​ការងារ​ដែល​គ្រូ​ដាក់​ឲ្យ​នោះ​មិន​រួច​រាល់​ តាម​ពេល​កំណត់?

ខាង​ក្រោម​នេះ​គឺ​ជា​ហេតុ​ផល​​ផ្សេង​ៗ​របស់​និស្សិត​មួយ​ចំនួន​ ដែល​ធ្លាប់​សង្កេត​ពី​​​បញ្ហា​ធ្វើ​ការងារ​សាលា​មិន​រួច​​ទាន់​Deadline​។
កញ្ញា ​ សុខ​ រ័ត្នមុនី​ និស្សិត​ឆ្នាំ​ទី​៤​ នៅ​សាកល​វិទ្យាល័យ​ ន័រតុន​ បាន​លើក​ឡើង​ថា៖ “មក​ពី​និស្សិត​​ខ្លួន​ឯង​មាន​ទម្លាប់​ខ្ជិល​ ទុក​ពេល​ទំនេរ​ចោល​ ហើយ​ចូល​ចិត្ត​មើល​ស្រាល​ការ​ងារ​ដែល​គ្រូ​បាន​ដាក់​ឲ្យ​ គិត​ថា​អាច​ធ្វើ​កិច្ច​ការ​នោះ​ហើយ​ដោយ​ប្រើ​ពេល​ខ្លី ហេតុ​នេះ​ហើយ​ទើប​ជួប​ប្រទះ​បញ្ហា​នេះ”។
ចំណែក​កញ្ញា​ ធីតារ័ត្ន​ និស្សិត​ឆ្នាំ​ទី​២​ នៃ​សាកល​វិទ្យាល័យ​ជាតិ​គ្រប់​គ្រង​ បាន​ប្រាប់​ថា៖ “មក​ពី​និស្សិត​មួយ​ចំនួន​រៀន​ពីរ​សាលា​ ហេតុ​នេះ​ហើយ​ទើប​រវល់។ ណា​មួយ​ហត់​នឿយ​ផង​ ព្រោះ​ពេល​ខ្លះ​កិច្ចការ​សាលា​គ្រូ​ដាក់​មក​ទាំង​ពីរ​សាលា​ព្រម​គ្នា​តែ​ ម្ដង​ទើប​ធ្វើ​មិន​ទាន់”។ កញ្ញា​បាន​បន្ថែម​ថា កិច្ចការ​ដែល​គ្រូ​ដាក់​ឲ្យ​មួយ​ចំនួន​ទៀត​​ ពិបាក​រក​ឯកសារ​ណាស់​ ហេតុ​នេះ​ហើយ​ទើប​មាន​ការ​យឺត​យ៉ាវ​អីចឹង។
ចំណែក​ឯ​យុវជន​ ឡុង​ ពន្លឺ​ និស្សិត​ឆ្នាំ​ទី​១​ ផ្នែក​ព័ត៌មាន​វិទ្យា​ បាន​លើក​ឡើង​ផ្ទុយ​ពី​មតិ​ខាង​លើ​ថា៖ “ចំពោះ​កិច្ច​ការ​សាលា​ដែល​ធ្វើ​ម្នាក់​ឯង​ លោក​មិន​ដែល​ទុក​ចោល​យូរ​ទេ​ គឺ​លោក​តែង​តែ​ធ្វើ​វា​ឲ្យ​រួច​រាល់​មុន​ថ្ងៃ​គ្រូ​ប្រមូល​រហូត។ ប៉ុន្តែ​អ្វី​ដែល​ពិបាក​នោះ​គឺ​ការ​ងារ​ជា​ក្រុម​ ព្រោះ​ពេល​ខ្លះ​ពិបាក​រក​ពេល​ជួប​ជុំ​គ្នា​ផង​ ហេតុនេះ​ហើយ​ទើប​ការ​ងារ​ជា​ក្រុម​នេះ​តែង​តែ​មាន​ភាព​យឺត​យ៉ាវ​”។
​​ លោក​សាស្ត្រាចារ្យ​  ឈឹម ម៉ូឌែន ​បង្រៀន​ នៅ​សាកល​វិទ្យាល័យ​វេស្ទឺន​ បាន​លើក​ឡើង​ដោយ​ផ្អែក​លើ​បទ​ពិសោធន៍​​ដែល​លោក​​ធ្លាប់​ជួប​ប្រទះ​ថា​ ការ​ដែល​និស្សិត​មួយ​ចំនួន​ទម្លាប់​ប្រគល់​កិច្ច​ការ​សាលា​យឺត​ពេល​ដែល​គ្រូ ​ដាក់​ឲ្យ​ គឺ​ដោយសារ​កត្តា​មួយ​ចំនួន​ដូច​ជា​៖ “ទី១​ ដោយ​សារ​និស្សិត​មួយ​ចំនួន​សិក្សា​ច្រើន​ជាង​មួយ​ជំនាញ ទី​២​ និស្សិត​ខ្លួន​ឯង​ផ្ទាល់​ខ្វះ​ការ​គ្រប់​គ្រង​ពេល​វេលា​ ទី៣ ខ្វះ​ការ​រឹត​បន្តឹង​វិន័យ​ និង​មាន​ទម្លាប់​ទុក​ពេល​វេលា​ទំនេរ​ចោល​ និង​ទី៤​ អាច​មក​ពី​គ្រូ​បង្រៀន​ផ្ទាល់​ មិន​បាន​រឹត​ត្បិត​វិន័យ​ចំពោះ​និស្សិត”។
ចុះ​ប្រិយ​មិត្ត​វិញ​ តើ​ធ្លាប់​​ប្រគល់​កិច្ច​ការ​សាលា​ឲ្យ​គ្រូ​យឺត​ទេ? ដោយសារ​មូល​ហេតុ​អ្វី?ប្រភពមកពី៖សប្បាយ

Read More