គួរឲ្យរំភើបមែន! វីដេអូពាណិជ្ជកម្មបរទេសរៀបការនៅអង្គរវត្ត

វីដេអូ ពាណិជ្ជកម្មមួយដែលបានថតនៅតំបន់អង្គរ កំពុងទទួលបានការចាប់អារម្មណ៍ ជាច្រើនលើបណ្ដាញសង្គម Facebook របស់កម្ពុជា ដោយសារវីដេអូនេះបានបង្ហាញនូវទិដ្ឋភាពយ៉ាងស្រស់ស្អាតរបស់ប្រាសាទ អង្គរ ដែលជាសម្បត្តិអច្ឆរិយរបស់ខ្មែរ ភ្ជាប់ជាមួយឈុតឆាករៀបការដ៏គួរឲ្យរំភើប។ នេះគឺជាវីដេអូ ពាណិជ្ជកម្មរបស់ក្រុមហ៊ុនគ្រឿងអលង្ការធំមួយនៅហុងកុង ឈ្មោះ Chow Tai Fook ដែលបានបង្ហោះនៅលើ Youtube កាលពីខែមេសា។ មានរយៈពេលត្រឹមតែ ២នាទី វីដេអូនេះបានផ្ដិតយកនូវរូបភាពដ៏អស្ចារ្យ ជុំវិញប្រាសាទអង្គរវត្ត និងប្រាសាទបាយ័ន ខណៈសាច់រឿងរៀបរាប់ពីមង្គលការដ៏គួរឲ្យភ្ញាក់ផ្អើលមួយ។ ត្បិតតែទម្រង់នៃ ការរៀបអាពាហ៍ពិពាហ៍ ក្នុងវីដេអូនេះមិនមែនជាប្រពៃណី ខ្មែរក៏ពិតមែន ប៉ុន្តែអ្នកដឹកនាំក៏បានបង្ហាញ នូវវប្បធម៌ខ្មែរខ្លះៗផងដែរ ដូចជាការសំពះ និងសំលៀកបំពាក់បុរាណខ្មែរជាដើម។ប្រភពមកពី ៖ សប្បាយ