វត្តភ្នំ (វត្តភ្នំដូនពេញ)
វត្តភ្នំដែលជា
ឈ្មោះនិងជានិមិត្តរូបនៃរាជធានីភ្នំពេញ
ស្ថិតនៅលើកំពូលកូនភ្នំសិប្បនិម្មិត្តមានកម្ពស់២៧ម៉ែត្រដ៏
ល្បីល្បាញមួយ នៅភាគឦសាន្តនៃរាជធានី។ បើតាមរឿងព្រេងបានដំណាលថា
មានស្រ្តីមេម៉ាយម្នាក់ជាអ្នកមានទ្រព្យសម្បត្តិស្តុកស្តម្ភ
បានទាញគល់គគីដ៏ធំមួយចេញពីទន្លេ។
គាត់សង្ឃឹមថានឹងយកដើមគគីនោះមកសង់ផ្ទះ
ប៉ុន្តែគាត់បានប្រទះឃើញពុទ្ធបដិមាបួនអង្គនៅក្នុងរន្ធឈើនោះ។
បន្ទាប់មក គាត់បានបរិច្ចាគទ្រព្យសម្បត្តិរបស់គាត់មួយផ្នែក
ដើម្បីកសាងបល្ល័ង្កតូចមួយទុកតម្កល់ពុទ្ធបដិមាទាំងនោះ។ ក្រោយមក
ទីនេះបានក្លាយជាទីសក្ការៈបូជា
ហើយប្រជាជនចាប់ផ្តើមមកតាំងទីលំនៅជុំវិញកូនភ្នំនោះ
ហើយមិនយូរប៉ុន្មានតំបន់នេះបានក្លាយជារាជធានីមកទល់នឹងសព្វថ្ងៃ
នេះ។ ទីនេះហើយដែលរាជធានីត្រូវបានគេដាក់ឈ្មោះថា ភ្នំពេញ ហើយ ភ្នំ
មានន័យថាទីទួល និង ពេញ ជាឈ្មោះរបស់ដូនចាស់ម្នាក់។
ព្រះបរមរាជវាំង
ព្រះបរមរាជវាំងនៅ
កម្ពុជាគឺជាកន្លែងគង់ប្រថាប់របស់ព្រះមហាក្សត្រកម្ពុជា។
បរិវេណព្រះបរមរាជវាំងជាបា្រសាទដ៏រឹងមាំរបស់ព្រះបាទ ពញាយ៉ាត
(១៣៩៣-១៤៦៣) ហើយត្រូវបានកសាងឡើងវិញនៅឆ្នាំ១៨៨៦ នៅពេលដែលព្រះបាទ
នរោត្តម (១៨៣៤-១៩៣៤) ផ្លាស់ប្តូររាជធានីពីឧដុង្គមកកាន់ភ្នំពេញ។
បា្រសាទដែលមានក្បូរក្បាច់រចនាដ៏ប្រណីតទាំងនេះ
គឺជានិមិត្តរូបដ៏អស្ចារ្យនៃស្ថាបត្យកម្មបុរាណខ្មែរ
ដែលគេប្រទះឃើញនៅកម្ពុជាបច្ចុប្បន្ននេះ។
ព្រះវិហារព្រះកែវមរកត
វិហារព្រះកែវមរកតស្ថិតនៅខាងក្នុងព្រះបរមរាជវាំង ដែលមានទីតាំងនៅក្បែរដងទន្លេមេគង្គ។
ព្រះបរមរាជវាំងត្រូវបានកសាងឡើងនៅ
ឆ្នាំ១៨៩២ ក្នុងរជ្ជកាលព្រះបាទនរោត្តម
ប៉ុន្តែត្រូវបានកសាងឡើងវិញដោយព្រះបាទនរោត្តមសីហនុនៅឆ្នាំ១៩៦២។
ព្រះអង្គបានខិតខំកសាងព្រះវិហារនេះ
ដោយស្នាដៃដ៏អស្ចារ្យនៃសិល្បះខ្មែរជាមួយនឹងវប្បធម៌ដ៏រុងរឿងពី
សម័យបុរាណ។ មានកម្រាលដែលធ្វើពីបា្រក់ជាង៥៣០០សន្លឹក
ហើយមួយសន្លឹកៗមានទម្ងន់១.១២៥គីឡូក្រាម
ត្រូវបានប្រើដើម្បីក្រាលធ្វើជាកម្រាលនៃវិហារព្រះកែវមរកត
ដោយជនបរទេសហៅថា Silver Pagoda។
សន្លឹកបា្រក់ទាំងអស់មានទម្ងន់ជាង៦តោន។
វិមានឯករាជ្យ
វិមានឯករាជ្យកសាង
ឡើងនៅឆ្នាំ១៩៥៨
សម្រាប់ជាស្តូបគោរពវិញ្ញាណក្ខ័ន្ធក្រោយពេលសង្រ្គាមបានបញ្ចប់នៅ
កម្ពុជា
និងដើម្បីបា្ររព្ធនូវសេរីភាពនិងឯករាជ្យរួចពីការគ្រប់គ្រងរបស់
បរទេស
វិមាននេះឈរយ៉ាងខ្ពស់ត្រដែតនៅផ្លូវខ្វែងនៃមហាវិថីនរោត្តមនិង
រុក្ខវិថីសីហនុ នៅចំកណ្តាលបេះដូងនៃរាជធានី។
ផ្សារទួលទំពូង (ផ្សាររុស្ស៊ី)
ផ្សារទួលទំពូងត្រូវ
បានគេស្គាល់ថាផ្សាររុស្ស៊ី
ពីព្រោះផ្សារនេះមានប្រជាប្រិយភាពក្នុងចំណោមជនជាតិរុស្សីកំឡុង
ទសវត្សរ៍ឆ្នាំ១៩៨០។ ផ្សារនេះមានលក់ទៅដោយវត្ថុបុរាណពិតៗជាច្រើន។
ផ្សាររាត្រី
ផ្សាររាត្រីនៅ
ទីក្រុងភ្នំពេញស្ថិតនៅខាងមុខផ្សារចាស់នៅក្បែរមាត់ទន្លេ
និងជារឿយៗមានភ្ញៀវទេសចរជាច្រើនទៅទីនោះដើម្បីទិញឥវ៉ាន់ផ្សេងៗ។
បច្ចុប្បន្នមានស្តង់ជាង១៥០ បើកលក់ទំនិញផ្សេងៗចាប់ពីសម្លៀកបំពាក់
គ្រឿងតុបតែងកាយ រហូតដល់គ្រឿងសង្ហារឹមនិងវត្ថុអនុស្សាវរីយ៍ជាដើម។
ការបង្កើតឲ្យមានផ្សាររាត្រីនៅទីក្រុងភ្នំពេញ
ជាការផ្តល់ជូនដល់ភ្ញៀវទេសចរក្នុងស្រុកនិងក្រៅស្រុកនូវកន្លែង
សម្រាប់ទិញវត្ថុអនុស្សាវរីយ៍ត្រឡប់ទៅផ្ទះវិញ៕
មាត់ទន្លេ
មាត់ទន្លេជាកន្លែង
ដែលគួរឲ្យចាប់អារម្មណ៍មួយនៅក្នុងទីក្រុងរួមមាន ព្រះបរមរាជវាំង
រង្គសាលជាច្រើន វិចិត្រសាល តៀម ភោជនីយដ្ឋាន
និងហាងដែលស្ថិតនៅតាមបណ្តោយម្ខាងនៃផ្លូវស៊ីសុវត្ថិ
ដែលអាចមើលទៅឃើញទន្លេចតុមុខ ទន្លេសាប ទន្លេមេគង្គ និងទន្លេបាសាក់។
ដំណើរកម្សាន្តតាមដងទន្លេ
នៅពេលទស្សនា
កម្ពុជា
អ្នកទេសចរអាចធ្វើដំណើរតាមដងទន្លេមេគង្គនិងគយគន់ទេសភាពដ៏ត្រកាល
តាមបណ្តោយច្រាំងទន្លេ។ មានសហគមន៍ជាច្រើន
រស់នៅប៉ប្រះនឹងមាត់ទន្លេអស់រយៈពេលជាច្រើនសតវត្សរ៍កន្លងមកហើយ។
អ្នកទេសចរអាចឈប់សំចតដើម្បីទទួលទានទឹកតែដ៏ឆ្ងាញ់ពិសារ
ទស្សនាភូមិតូចៗនៅតាមបណ្តោយច្រាំងទន្លេ
គយគន់បា្រសាទដែលអើតលឹមៗពីចម្ងាយ
និងស្រូបយកខ្យល់អាកាសដ៏បរិសុទ្ធ នៅកណ្តាលបឹងធម្មជាតិនេះ។
0 comments:
Post a Comment